Skip to main content

Ickabog Kompetisie

Aandag, alle ontluikende kunstenaars! J.K. Rowling nooi jou om te help om Die Ickabog vir haar te illustreer. Elke week wanneer hoofstukke van die storie op die webwerf gelaai word, sal sy voorstelle maak oor wat jy dalk kan teken of verf. Jy kan jou verbeelding regtig vrye teuels gee! En hier is die beste van alles. As jy tussen sewe en twaalf jaar oud is, kan jou ouer of voog namens jou al jou tekeninge of ander kunswerk inskryf vir die amptelike kompetisie wat J.K. Rowling se uitgewers aanbied. Jy kry dalk die kans van ’n leeftyd om jou illustrasies in die boek Die Ickabog te sien. Dit word in November gepubliseer. Die kompetisie het eerste in die VK, Ierland, Australië, Nieu-Seeland, Indië, die VSA en Kanada geopen. Dit word nou ook in Suid-Afrika aangebied. Jou kunswerk moet deur ’n ouer of voog ingeskryf word deur dit aan die onderstaande e-posadres te stuur – die uitgewers sal al die inskrywings beoordeel. So, laat jou verbeelding op loop gaan, en sterkte!

    Hoe kan ek my kind inskryf?
  1. Laai die volledige stel reëls hier af en lees dit sorgvuldig deur.
  2. Daar sal ’n lysie voorgestelde illustrasies saam met elke dag se plasing verskyn. Laat jou kind een daarvan verf of teken, en stuur dan ’n hoëkwaliteit-foto van die illustrasie aan inskrywings@ickabogkompetisie.co.za.
  3. In die e-pos moet jy die volgende inligting gee:
    • Jou kind se volle naam, van en geboortedatum
    • Die hoofstuk en tema wat geïllustreer is
    • Ouer/voog se volle naam en kontakbesonderhede
    Reëls
  • Slegs oorspronklike illustrasies wat deur Suid-Afrikaanse kinders tussen die ouderdomme van 7 (sewe) en 12 (twaalf) geteken of geverf is, mag ingeskryf word.
  • Inskrywings moet deur die kind se ouer of voog gedoen word.
  • Slegs een illustrasie per daaglikse tema mag ingeskryf word.
  • Die kompetisie open op 1 September en sluit op 23 Oktober 2020. Geen laat inskrywings sal aanvaar word nie.
  • Wenners sal voor of teen 28 Oktober 2020 in kennis gestel word.
  • Alle illustrasies moet op ’n enkele vel wit papier van A4 of groter geverf of geteken word, en moet vertikaal/portret wees. Illustrasies moet met die hand geteken of geverf word.
  • Die oorspronklike illustrasie moet veilig gebêre word want indien jou kind se illustrasie gekies word, moet jy dit óf aan LAPA Uitgewers koerier óf ’n hoëresolusie-skandering daarvan laat maak wat LAPA so spoedig as moontlik na afloop van die kompetisie moet bereik.
  • Deur in te skryf bevestig jy dat jy al die reëls gelees en aanvaar het.
  • Die beoordelaars se beslissing is finaal en geen korrespondensie sal daaroor gevoer word nie.

Of e-pos jou inskrywing na inskrywings@ickabogkompetisie.co.za

Border

footer

Back to top